Pescjâ cun licence F-VJ

 

 

 

 

Pagjine dedicade ai pescjadôrs che a àn za une licence F-VJ

• Informazions gjenerâls su lis diviersis licencis di pescje dal F-VJ cumò validis
• Pescje sportive cun ducj i imprescj fûr che la belance fisse
• Canul anuâl e ritîr dal document pes regjistrazions anuâls (DRA)
• Canul infranuâl e ritîr dal document pes regjistrazions infranuâls (DRI)
• Cambi di residence
• Sostituzion de licence di pescje dal F-VJ
• Documents di pescje pierdûts o robâts
• Stampe de licence di pescje dal F-VJ su supuart di plastiche in formât badge

Informazions gjenerâls su lis diviersis licencis di pescje dal F-VJ cumò validis

Daûr de normative in vore, la licence di pescje sportive dal F-VJ e à durade e validitât ilimitade.

A esistin diviers gjenars di licence di pescje che a son validis cumò inte Regjon Friûl - Vignesie Julie: consultâ cheste pagjine pes informazions in merit.

torna su

Pescje sportive cun ducj i imprescj fûr che la belance fisse

Il pescjadôr, ogni volte che al va fûr, al à di puartâ cun se e esibî, in câs di control:

• la licence di pescje F-VJ valide
• la ricevude dal paiament dal canul anuâl o infranuâl
• il document pes regjistrazions, disponibil ancje su la app Appesca.FVG
• un document di identitât valit

Par ogni altre informazion su la pratiche de pescje sportive, fâ riferiment a ce che al è ripuartât sul calendari de pescje sportive (CPS)

INFO Ufici licencis ETPI - tel. (+39) 0432 551 222 / (+39) 0432 551 205

          email: licenze@etpi.fvg.it

torna su

Canul anuâl e ritîr dal document pes regjistrazions anuâls (DRA)

Il pescjadôr titulâr di licence F-VJ valide e che al à paiât un canul anuâl, al podarà domandâ il document pes regjistrazions anuâls (DRA) dulà notâ jessudis e pescjât, o cu la APPesca.FVG o pûr presentant ai Uficis licencis o ai Recapits informatizâts e No informatizâts - ancje midiant di altris personis o par pueste* - la documentazion indicade:

• licence di pescje sportive F-VJ valide;
• ricevude in origjinâl dal canul anuâl paiât cun la App o cul modul prestampât dai Uficis licencis o dai Recapits informatizâts;
• l'eventuâl libret des caturis scjadût o, se pierdût, declarâ la pierdite sul modul declarazion sostitutive e zontâ un document di identitât. ETPI al dopre i dâts contignûts tai documents pes regjistrazions anuâls o infranuâls par finalitâts statistichis.

* Se si domande la spedizion dal DRA par pueste a ETPI, vie Culugne 3, 33100 Udin, si varà di zontâ € 8,00 pes spesis postâls e di segretarie. ETPI al mandarà il DRA cun racomandade A/R.

INFO Ufici licencis ETPI - tel. (+39) 0432 551 222 / (+39) 0432 551 205

          email: licenze@etpi.fvg.it

torna su

Canul infranuâl e ritîr dal document pes regjistrazions infranuâls (DRI)

Il canul infranuâl al permet di pescjâ par une zornade, al massim 16 voltis ad an, e di chestis 6 dedicadis dome ae pratiche dal no-kill.

Il canul infranuâl pal pescjadôr titulâr di licence F-VJ valide al è di € 16,00 in cualsisei regjim.

Il pescjadôr che al à paiât un canul infranuâl al podarà domandâ il document pes regjistrazions infranuâls (DRI) dulà notâ jessudis e pescjât de zornade, cu la APPesca.FVG o pûr presentant ai Uficis licencis o ai Recapits informatizâts - ancje midiant di altris personis – la documentazion indicade:

• licence di pescje sportive F-VJ valide;
• ricevude in origjinâl dal canul infranuâl paiât cun APPesca.FVG o cul modul prestampât dai Uficis licencis o dai Recapits informatizâts;
• l'eventuâl document pes regjistrazions scjadût o, tal cas che al sedi lât pierdût, la declarazion de pierdite sul modul declarazion sostitutive, zontant un document di identitât. ETPI al dopre i dâts contignûts tai documents pes regjistrazions anuâls o infranuâls par finalitâts statistichis.

INFO Ufici licencis ETPI - tel. (+39) 0432 551 222 / (+39) 0432 551 205

          email: licenze@etpi.fvg.it

torna su

Cambi di residence

Par permeti la spedizion corete de corispondence, si pues comunicâ il gnûf recapit al ETPI par pueste eletroniche a licenze@etpi.fvg.it  o par telefon ai Uficis licencis o, se si dopre la APPesca.FVG, inzornant di bessôi i dâts.

 

INFO Ufici licencis ETPI - tel. (+39) 0432 551 222 / (+39) 0432 551 205

          email: licenze@etpi.fvg.it

torna su

Sostituzion de licence di pescje dal F-VJ

Si pues sostituî la licence dade fûr prime dal 01/06/2020 cuntune gnove licence F-VJ cence scjadince, in formât digjitâl o di cjarte, al cost di € 10,00.

 

Il pescjadôr interessât al presente ai Uficis licencis di persone, midiant di altris o par pueste, la documentazion indicade:

• copie dal document di identitât e, se nol è presint sul document, copie dal codiç fiscâl;
• licence F-VJ di sostituî;
• eventuâl document pes regjistrazions ritirât, e relative ricevude di paiament dal canul;
• ricevude di paiament di € 10,00, di paiâ cul modul prestampât dai Uficis licencis o dai Recapits informatizâts.

 

I Uficis licencis a mandin par pueste eletroniche il file.PDF cu la licence di stampâ e a consegnin la stampe de licence in formât di cjarte; invezit, se si vûl vê la stampe de licence F-VJ su supuart di plastiche in formât badge, si à di paiâ altris € 10,00.  

 

Pe spedizion de gnove licence par pueste si varà di zontâ € 8.00 pes spesis postâls e di segretarie. ETPI al mandarà la licence cun racomandade A/R.

 

Scheme riepilogatîf:

SOSTITUZION	STAMPE SU SUPUART DI PLASTICHE Servizi facoltatîf	SPEDIZION PAR PUESTE Servizi facoltatîf
€ 10.00	€ 10.00	€ 8.00

INFO Ufici licencis ETPI - tel. (+39) 0432 551 222 / (+39) 0432 551 205

          email: licenze@etpi.fvg.it

torna su

Documents di pescje pierdûts o robâts

In câs che a sedin stadis robadis o pierdudis:

 

• Licencis F-VJ dadis fûr dal 01/06/2020

In câs di pierdite o di robarie di une licence in formât digjitâl o di cjarte, al baste tornâ a stampâ il file PDF ricevût par pueste eletroniche. Dut câs, se il file PDF de licence al è stât pierdût e se no si à une copie di cjarte, si pues domandâ a gratis ai Uficis licencis la spedizion dal file o la stampe su cjarte de licence F-VJ.  

 

• Licencis F-VJ dadis fûr prime dal 01/06/2020

In câs di pierdite o di robarie, si pues domandâ ai Uficis licencis il duplicât de licence dade fûr prime dal 01/06/2020.

Si à di presentâ, ancje midiant di altris personis o par pueste eletroniche, la documentazion indicade:

1. declarazion sostitutive pe robarie/pierdite de licence; i dâts di cheste, se no si cognossin, a àn di jessi domandâts ai Uficis licencis;
2. copie dal document di identitât e, se nol è presint sul document, copie dal codiç fiscâl dal pescjadôr;
3. ricevude di paiament di € 10,00 fat cun modul prestampât dai Uficis Licencis o dai Recapits informatizâts.

I Uficis licencis a mandin cuntun messaç di pueste eletroniche il file de licence in formât PDF e le consegnin in formât di cjarte; se invezit si vûl vê la stampe de licence F-VJ su supuart di plastiche in formât badge, si à di paiâ altris € 10,00.

Se si domande la spedizion de gnove licence par pueste, si varà di zontâ € 8.00 pes spesis postâls e di segretarie. ETPI al mandarà la licence cun racomandade A/R.

 

Scheme riepilogatîf:

DUPLICÂT	STAMPE DE LICENCE SU SUPUART DI PLASTICHE Servizi facoltatîf	SPEDIZION PAR PUESTE Servizi facoltatîf
€ 10.00	€ 10.00	€ 8.00

 

 

• Document pes Regjistrazions Anuâl (DRA)

Si à di presentâ, ancje midiant di altris personis o par pueste eletroniche, ai Uficis licencis o al Recapit informatizât dulà chel al jere stât ritirât il DRA, la documentazion indicade:

1. declarazion sostitutive pe robarie/pierdite de licence; i dâts di cheste, se no si cognossin, si à di domandâju ai Uficis licencis;
2. copie dal document di identitât e, se nol è presint sul document, copie dal codiç fiscâl dal pescjadôr;
3. ricevude di paiament di € 10,00 fat cun modul prestampât dai Uficis licencis o dai Recapits informatizâts.

Se si domande a ETPI la spedizion dal gnûf DRA par pueste si varà di zontâ € 8,00 pes spesis postâls e di segretarie. ETPI al mandarà il gnûf DRA cun racomandade A/R. 

Se in plui dal DRA e je stade pierdude o robade ancje la licence F-VJ, si varà di zontâ ancje i coscj pe eventuâl duplicazion de licence, se previodude, e de plastificazion, se si vûl; il cost pe spedizion par pueste de licence e/o dal DRA al reste di € 8,00.

 

 

Scheme riepilogatîf:

DUPLICÂT  DAL DRA	DUPLICÂT DE LICENCE	STAMPE DE LICENCE SU SUPUART DI PLASTICHE Servizi facoltatîf	SPEDIZION PAR PUESTE Servizi facoltatîf
€ 10.00	€ 10.00	€ 10.00	€ 8.00

 

• Document pes Regjistrazions Infranuâl (DRI)

 

Dentri de zornade di validitât dal canul infranuâl si à di domandâ la stampe dal DRI o la spedizion dal file.PDF ai Uficis licencis o al Recapit informatizât dulà chel al jere stât ritirât.

 

Se in plui dal DRI e je stade pierdude o robade ancje la licence F-VJ, si varà di zontâ ancje i coscj pe eventuâl duplicazion de licence, se previodude, e de plastificazion, se si vûl, e il cost pe spedizion par pueste de licence, di € 8,00.

Scheme riepilogatîf:

DUPLICÂT  DAL DRI	DUPLICÂT DE LICENCE	STAMPE DE LICENCE SU SUPUART DI PLASTICHE Servizi facoltatîf	SPEDIZION PAR PUESTE Servizi facoltatîf
€ 00.00	€ 10.00	€ 10.00	€ 8.00

 

• PIERDITE DE RICEVUDE DAL CANUL

In câs di pierdite/robarie de ricevude dal canul, cui che al à paiât on line al baste che al torni a stampâ il file PDF ricevût par pueste eletroniche; in alternative, si pues domandâ ai Uficis licencis o ai Recapits informatizâts une copie de ricevude di paiament dal canul.  

 

INFO Ufici licencis ETPI - tel. (+39) 0432 551 222 / (+39) 0432 551 205

          email: licenze@etpi.fvg.it

torna su

Stampe de licence di pescje dal F-VJ su supuart di plastiche in formât badge

Si pues domandâ la stampe de licence F-VJ su supuart di plastiche in formât badge pes licencis dadis fûr dal 01/06/2020 in formât digjitâl o di cjarte, paiant € 10,00 cun modul prestampât dai Uficis licencis o dai Recapits informatizâts.

 

Si podarà ritirâ la stampe de licence F-VJ su supuart di plastiche in formât badge, ancje midiant di altris personis, intai Uficis licencis; invezit, se si domande la spedizion par pueste, si varà di paiâ altris € 8,00 euros pes spesis postâls e di segretarie. ETPI al mandarà il badge cun racomandade A/R.

 

Lis licencis dadis fûr prime dal 01/06/2020 si podaran stampâ su supuart di plastiche in formât badge dopo de sostituzion.

 

INFO Ufici licencis ETPI - tel. (+39) 0432 551 222 / (+39) 0432 551 205

          email: licenze@etpi.fvg.it

torna su