Daûr dal art. 27, come 4 de L.R. n. 42/2017, la licence di pescje sportive e ven dade fûr dopo vê passât un esam che a àn di passâ i interessâts che, ae date fissade pe prove scrite e cence tignî cont de lôr residence, a vedin finîts 13 agns.
La licence di pescje sportive e sarà dade fûr finîts 14 agns.
Par podê sostignî l'esam si à di presentâ domande di iscrizion ai uficis licencis, in maniere fisiche o par vie telematiche, doprant i modui di pueste che si cjatin intal menù a man drete inte sezion "modulistiche" (modul destinât ai candidâts maiôrs di etât e modul destinât ai candidâts minôrs di etât), jemplantju in maniere corete e zontant dute la documentazion domandade.
Altris informazions su lis modalitâts di iscrizion al esam si cjatis chi sot, inte sezion “Tiermins e modalitâts di iscrizion”.
INFO tel: (+39) 0432 551 205 / (+39) 0432 551 222
email: licenze@etpi.fvg.it
Par podê iscrivisi al esam si à di:
La iscrizion al esam e à di jessi fate doprant il model di domande disponibil pal candidât maiôr di etât o minôr di etât, jemplât compilât in maniere corete in ogni sô part e zontant la documentazion domandade.
La domande di amission al esam, compilade e firmade, e pues jessi mandade par pueste eletroniche ae direzion etpi@regione.fvg.it o vie fax al numar (+39) 0432 551.299 o presentade intai Uficis Licencis dal sotscritôr o par cure di altris personis, dopo vê fissât un apontament.
La domande di amission e je subiete al paiament de impueste di bol di € 16,00 che si pues fâ:
I candidâts che no passin l'esam, cence presentâ une gnove domande, a puedin partecipâ aes sessions di esam seguitivis intal stes an, segnalant la proprie partecipazion al ETPI par pueste eletroniche. I candidâts che intal an no vedin passât l'esam, a puedin presentâ une gnove domande par partecipâ aes sessions di esam che si fasin intal an dopo.
L’ETPI al pues decidi di fissâ par cualchi session di esam un numar limitât di iscrizions amissibilis. Intal câs che il numar des domandis rivadis al sedi plui alt dal numar dai puescj disponibii, l’ETPI al publiche sul so sît la liste dai candidâts ametûts a ogni session di esam, daûr dal ordin cronologjic di rivade al protocol des domandis.
Se dopo de spedizion de domande di partecipazion, o de consegne de stesse ai uficis licencis, al candidât no i rivin altris comunicazions de bande di ETPI, si pues calcolâ che la domande e je stade acetade e che la iscrizion par cheste domande e je complete.
Il tiermin pe presentazion des domandis di iscrizion al è fissât a 3 dîs di anticip rispiet ae date di davuelziment de prove di esam.La session di esam si fasarà se a saran rivadis almancul cinc istancis di amission.
Lis materiis ogjet dal esam a tocjin chescj argoments:
L’ETPI al publiche in cheste sezion i materiâi didatics utii par passâ la prove scrite.
SI PODARÀ PUARTÂ E CONSULTÂ IN SEDE DI ESAM IL CALENDARI DI PESCJE SPORTIVE IN FORMÂT DI CJARTE
L’ETPI al publiche in cheste sezion lis listis des domandis, dividudis par argoment, dopradis intal ambit de prove scrite.
Di chestis listis, inzornadis in maniere periodiche, a saran po dopo selezionadis, midiant dal program automatizât di estrazion casuâl, lis domandis che a laran a componi il compit di esam consegnât ai candidâts.
La publicazion dal calendari e à il valôr di comunicazion personâl al candidât.
Calendari des sessions di esam
Variazions di date e orari des provis di esam e altris modificazions eventuâls di caratar organizatîf, a son publicâts sul sît dal ETPI o comunicâts di persone su domande dal interessât.
Si vise che il materiâl pe preparazion al compit di esam si pues cjatâ te sezion materiâi didatics.
L'esam pe emission de licence di pescje sportive al è une prove scrite, in forme di quiz a rispueste multiple, e un colocui eventuâl, su lis materiis elencadis tal paragraf “Materiis di esam”. L'esam si davuelç in sentade publiche denant di une Comission nomenade cun decret dal Diretôr gjenerâl dal ETPI. La prove scrite, de durade massime di sessante minûts, e je articolade intune cumbinazion di cuarante domandis, diferentis par ogni candidât. A ogni domande a corispuindin trê rispuestis alternativis, che di chês dome une e je juste. Lis domandis a son dividudis cussì:
A ogni rispueste juste a si assegnin doi ponts; a ogni rispueste falade si assegnin zero ponts; a ogni rispueste lassade vueide si gjave un pont. La suficience e rive cul otigniment di setante ponts. I candidâts che a otegnin tra sessantedoi e sessantenûf ponts a son ametûts al colocui, de durade massime di cuindis minûts, di fâsi se pussibil inte stesse zornade de prove scrite. Il candidât al passe il colocui se al dimostre di vê competencis suficientis, a judizi de Comission, intal ambit des materiis di esam.
La Comission di esam e da il judizi finâl di superament o no superament dal esam par ogni candidât esaminât. Il risultât de prove al è comunicât al candidât ae fin di chê.
Lis societâts sportivis, lis associazions e lis organizazions di volontariât iscritis inte liste daûr dal art. 17, come 2 de leç regjonâl dal 1n di Dicembar dal 2017, n. 42. a puedin inmaneâ cors preparatoris al superament dal esam. La partecipazion a chescj cors e assegne sîs ponts di bonus.
Pe individuazion dai criteris minims di organizazion di chescj cors e par altris aprofondiments si rimande ai articui 5 e 6 dal Regolament “Modalitâts pe consegne dai documents previodûts pe pratiche de pescje sportive intes aghis internis, in atuazion dal articul 27 de leç regjonâl dal 1n di Dicembar dal 2017, n. 42 (Disposizions regjonâls pe gjestion des risorsis itichis intes aghis internis)” fat bon cun D.P.Regj. dai 22/02/2021, n.19.
Cumò no son edizions disponibilis.
L’ETPI al da fûr la licence di pescje in formât digjitâl dopo vê verificât il superament dal esam e il paiament dai coscj di emission e le mande par pueste eletroniche al recapit indicât di cui che al fâs domande par vêle. L'interessât al pues domandâ la stampe de licence suntun supuart di plastiche midiant di une domande specifiche e dopo vê paiât il cost pal servizi (€ 10,00).
La licence e pues jessi consegnade dome dopo vê finîts 14 agns.
Il candidât che al passe l'esam e che al à fat 14 agns di etât, al podarà otignî la licence F-VJ di pescje, paiant:
1) il cost di emission de licence dal impuart di € 25,00 midiant dal sisteme di pagoPA, doprant il modul prestampât dai Uficis licencis de ETPI. Si pues paiâ cul pagoPA online; o pûr, sul teritori, tes bancjis e midiant di altris operadôrs aderents ae iniziative cui canâi che a metin a disposizion (par esempli: home banking, Bancomat, APP su smartphone o tablet, sportel, ricevitoriis, tabacârs, supermarcjâts, e v.i.): la liste e je su www.pagopa.gov.it In câs, al impuart di € 25,00, si podarà zontâ ancje chel dal canul anuâl di pescje di € 70,00 tacant dai 18 agns di etât, e di € 15,00 pai minôrs di etât, tra i 14 e 17 agns;
2) la impueste di bol di € 16,00 che si pues paiâ cul model F23 de Agjenzie des Jentradis, che e varà di jessi mandade par email ae direzion: licenze@etpi.fvg.it o pûr, comprant une marcje di bol di cjarte di € 16,00 che al è oblic di consegnâle in origjinâl li dai Uficis Licencis de ETPI.
Dopo vude la licence di pescje, par praticâ la pescje sportive si scuen paiâ il canul anuâl.
Il canul anuâl al è risiervât ai titulârs di une licence valide di pescje sportive dade fûr in Friûl - Vignesie Julie o intune altre Regjon de Republiche taliane dopo vê passât un esam o frecuentât un cors, al permet di esercitâ la pescje sportive 16 dîs al mês, intal ambit di ducj i regjims di pescje fin ai 31 di Dicembar dal an che si riferìs. L'impuart dal canul anuâl al è di € 60,00 dai 18 agns insù tacant dal 1n di Zenâr, € 15,00 par cui che al à tra 14 e 17 agns. Si pues paiâ il canul midiant di APPesca.fvg o cul modul di paiament pagoPA prestampât dai Uficis Licencis o dai Recapits informatizâts .
Il pescjadôr che al à paiât il canul anuâl al podarà domandâ il document pes regjistrazions anuâl, DRA, dulà scrivi jessudis e pescjât, disponibil in formât digjitâl midiant di APPesca.fvg o in formât di cjarte presentant, ancje midiant di altris personis o par pueste*, ai Uficis Licencis o intai Recapits informatizâts e Recapits no informatizâts cheste documentazion:
* Se si domande la spedizion dal DRA di cjarte par pueste al ETPI, vie Culugne 3, 33100 Udin, si varà di zontâ € 8,00 pes spesis postâls e di segretarie. L’ETPI al mandarà il DRA cun racomandade A/R.
La titularitât de licence di pescje sportive F-VJ e permet l'acuist dal canul infranuâl ridot (€ 16,00). Par plui informazions sui canui, consulte cheste pagjine.
Il pescjadôr che al à otignût la abilitazion pe pratiche de pescje sportive F-VJ daûr de normative in vore prime di chê atuâl, duncje frecuentant i cors, o passant l'esam za previodût fin al an 2013, e che nol à ancjemò presentade la domande par otignî la licence, al varà di contatâ i Uficis Licencis de ETPI par vê plui informazions su la modalitât di consegne e sul paiament dai coscj relatîfs.
Ufici Licencis ETPI - tel. (+39) 0432.551.205/222;
email: licenze@etpi.fvg.it
Via Colugna, 3 - 33100
Udine - Italy
centralino
tel./phone (+39) 0432.551.211
fax (+39) 0432.55.12.99
URL http://www.etpi.fvg.it
email etpi@regione.fvg.it
PEC etpi@certregione.fvg.it
Codice fiscale: 80000950305, P.IVA: 00480320308
Codice univoco ufficio: UFNWQF
Meccanismo di feedback
Dichiarazione di accessibilità
