PESCJE CU LA BELANCE FISSE

Pagjine dedicade aes informazions su la pescje sportive cu la belance fisse.

Daûr dal articul 3, paragraf 38 e seguitîfs de leç regjonâl 31/2017, lis belancis di pescje esistentis al prin di Avost dal 2017 e no destinadis ae pescje professionâl a son autorizadis an par an ae ativitât di pescje, cun proviodiment di pueste dât fûr dal Comun competent par teritori, dopo vê presentade une istance specifiche furnide des copiis des necessariis concessions di ûs dai bens publics: concession dal spieli di aghe, concession dal Consorzi di bonifiche, declarazion che e je une ativitât ricreative e altre eventuâl documentazion domandade dal Ent che al da la autorizazion. La autorizazion de belance e je subiete al paiament dal canul determinât de Aministrazion comunâl.

Il limit dal pescjât di ogni belance al è fissât in 20 kg par setemane; ogni pescjade e varà di jessi regjistrade daurman sui modui di pueste furnîts par ogni belance dal Comun, e cu lis modalitâts individuadis dal proviodiment autorizatîf.

Il pescjadôr che al esercite la ativitât cu la belance autorizade e instalade intes aghis internis, al à di vê i recuisîts par praticâ la pescje sportive, o ben al à di vê paiât il canul anuâl o infranuâl pe pescje sportive in Friûl - Vignesie Julie, e nol è tignût a segnâ lis caturis tal so DRA/DRI (document pes regjistrazions anuâl o infranuâl).

La ativitât di pescje sportive cu lis belancis e rispiete lis improibizions temporaniis di pescje previodudis intal calendari de pescje sportive CPS.

Par informazions e sclariments us invidìn a consultâ chestis pagjinis:

• Vigjilance
• Uficis Licencis

INFO Ufici licencis ETPI - tel. (+39) 0432 551 222 / (+39) 0432 551 205

        email: licenze@etpi.fvg.it