Pescjâ cun licence di pescje otignude in Italie dopo vê fat un cors o un esam

 

 

 

 

 

Pagjine dedicade aes modalitâts di pescje cun licence otignude intune altre regjon de Republiche Taliane divierse dal Friûl - Vignesie Julie, acuiside dopo vê passât un esam o partecipât a un cors di formazion.

• Pescjâ in F-VJ cun licence di une altre regjon, otignude dopo vê fat un cors o un esam
• Paiament dal canul anuâl e ritîr dal document pes regjistrazions (DRA)
• Paiament dal canul infranuâl e ritîr dal document pes regjistrazions (DRI)

Pescjâ in F-VJ cun licence di une altre regjon, otignude dopo vê fat un cors o un esam

Il pescjadôr al à dôs pussibilitâts:

• paiâ il canul anuâl di € 60,00 (€ 15,00 pai minôrs di etât tra i 14 e i 17 agns), che al permet di praticâ la pescje sportive 16 dîs al mês tal ambit di ducj i regjims di pescje fin ai 31 di Dicembar dal an che si riferìs;
• paiâ il canul infranuâl ridot di € 16,00, che al permet di lâ a pescjâ par une zornade e che si pues paiâlu al massim par 10 voltis ad an, ancje no consecutivis; a chestis si puedin zontâ altris 6 dedicadis dome ae pratiche no-kill.

Si pues paiâ il canul cun APPesca.FVG o domandâ i modui ai Uficis licencis o ai Recapits informatizâts.

Tal stes moment che al paie il canul, il pescjadôr al autocertifiche di vê la licence di pescje di une altre regjon taliane, otignude dopo vê passât l’esam o frecuentât il cors. Etpi al verificarà la autocertificazion. Par chest motîf, si ricuarde che il pescjadôr al è considerât cussient des sanzions previodudis intal câs di declarazions che no sedin veris, e di produzion o ûs di ats fals, su la fonde dal articul 76 dal D.P.R. n. 445/2000, daûr dai articui 46 e 47 dal D.P.R. n. 445/2000.

 

Dopo dal prin paiament dal canul, ETPI al inviarà di ufici par pueste eletroniche o su APPesca.FVG la licence di pescje sportive dal Friûl - Vignesie Julie in formât file.PDF di podê stampâ o conservâ tant che imagjin intal smartphone.

Il pescjadôr, ogni volte che al va fûr al à di puartâ cun se e di esibî, in câs di control, cheste documentazion:

• la licence di pescje F-VJ; se in spiete di emission di bande di ETPI, chê extraregjonâl
• la ricevude dal paiament dal canul anuâl o infranuâl
• il document pes regjistrazions, disponibil ancje su la app Appesca.FVG;
• un document di identitât valit

Par ogni altre informazion su la pratiche de pescje sportive, fâ riferiment a ce che al è ripuartât sul calendari de pescje sportive CPS.

 

INFO Ufici licencis ETPI - tel. (+39) 0432 551 222 / (+39) 0432 551 205

        email: licenze@etpi.fvg.it

torna su

Paiament dal canul anuâl e ritîr dal document pes regjistrazions (DRA)

I pescjadôrs no residents in F-VJ, che a son titulârs di licence di pescje sportive, denominade in cualsisei maniere, dade fûr in altris regjons de Republiche Taliane dopo vê frecuentât un cors o passât un esam, e che a àn paiât il canul anuâl, a puedin praticâ la pescje in F-VJ par dut l'an solâr e regjistrâ lis jessudis e lis caturis sul document pes regjistrazions anuâl (DRA), disponibil ancje su APPesca.FVG.

Il pescjadôr che nol à discjamât la App, al podarà otignî il DRA presentant ai Uficis Licencis o ai Recapits Informatizâts e No informatizâts, ancje midiant di altris personis o par pueste*, la documentazion indicade:

• se al è il prin paiament, la licence extraregjonâl otignude in altris regjons de Republiche Taliane dopo vê frecuentât un cors o passât un esam;
• pai paiaments dopo dal prin, la licence di pescje sportive F-VJ valide;
• la ricevude di paiament dal canul anuâl paiât cun la App o cul modul prestampât dai Uficis licencis o dai Recapits informatizâts;
• l'eventuâl document pes regjistrazions scjadût (se pierdût, declarâ la pierdite sul modul declarazion sostitutive, e zontâ un document di identitât). ETPI al dopre i dâts contignûts tai documents pes regjistrazions anuâls o infranuâls par finalitâts statistichis.

* Si pues domandâ la spedizion dal DRA par pueste a ETPI, vie Culugne 3, 33100 Udin, zontant € 8,00 pes spesis postâls e di segretarie. ETPI al mandarà il DRA cun racomandade A/R.

 

INFO Ufici licencis ETPI - tel. (+39) 0432 551 222 / (+39) 0432 551 205

        email: licenze@etpi.fvg.it

torna su

Paiament dal canul infranuâl e ritîr dal document pes regjistrazions (DRI)

I pescjadôrs no residents in F-VJ, che a son titulârs di licence di pescje sportive, denominade in cualsisei maniere, dade fûr in altris regjons de Republiche Taliane dopo vê frecuentât un cors o passât un esam, e che a àn paiât il canul infranuâl, a puedin praticâ la pescje in F-VJ inte zornade sielzude, al massim par 8 voltis ad an, ancje no consecutivis; a chestis si puedin zontâ altris 4, dedicadis dome ae pratiche no-kill. A varan di segnâ lis jessudis e lis caturis sul document pes regjistrazions infranuâl (DRI), disponibil ancje su APPesca.FVG.

Il pescjadôr che nol à discjamât APPesca.FVG, al podarà otignî il DRI presentant ai Uficis licencis o ai Recapits informatizâts, ancje midiant di altris personis, la documentazion indicade:

• se al è il prin paiament dal canul, la licence extraregjonâl otignude in altris regjons de Republiche taliane dopo vê frecuentât un cors o passât un esam;
• pai paiaments dopo dal prin, la licence di pescje sportive F-VJ valide;
• la ricevude di paiament dal canul anuâl paiât cun la App o cul modul prestampât dai Uficis Licencis o dai Recapits Informatizâts;
• l'eventuâl document pes regjistrazions scjadût. ETPI al dopre i dâts contignûts tai documents pes regjistrazions anuâls o infranuâls par finalitâts statistichis;
• document di identitât.

 

INFO Ufici licencis ETPI - tel. (+39) 0432 551 222 / (+39) 0432 551 205

        email: licenze@etpi.fvg.it

torna su