Pescjâ cence licence o cuntune licence otignude in Italie cence cors o esam.

Pagjine dedicade aes modalitâts di pescje par chei che a son cence licence di pescje o che a àn une licence otignude intune altre regjon de Republiche Taliane divierse dal Friûl - Vignesie Julie e acuiside cence vê passât un esam o partecipât a un cors di formazion.

Pescjâ in F-VJ dopo vê paiât il canul infranuâl

Il pescjadôr cence licence di pescje F-VJ al pues lâ a pescjâ inte zornade sielzude paiant il canul infranuâl, al massim 16 voltis ad an, e di chestis 6 dedicadis dome ae pratiche dal no-kill.

Il canul infranuâl al è di € 20,00 e al permet di pescjâ par une zornade, in cualsisei regjim, e si lu pues paiâ al massim 10 voltis ad an, ancje no consecutivis; a chestis si puedin zontâ altris 6 dedicadis dome ae pratiche no-kill, che il canul ridot al è di € 16,00 par ogni zornade.

Si pues paiâ il canul cun APPesca.FVG o cul modul prestampât dai Uficis licencis o dai Recapits informatizâts.

Dopo dal paiament dal canul infranuâl cu la App, il pescjadôr al podarà regjistrâ jessudis e caturis su la stesse App o domandâ la spedizion par pueste eletroniche dal Document pes Regjistrazions Infranuâls (DRI) in formât file.pdf, che si pues stampâ par fâ lis regjistrazions; o pûr, compagn di cui che lu à paiât li dal tabacâr, in pueste, in bancje e v.i., domandâ il DRI, ancje midiant di altris personis, ai Uficis licencis o ai Recapits informatizâts, presentant cheste documentazion:

• document di identitât dal pescjadôr
• ricevude di paiament dal canul infranuâl
• l'eventuâl document pes regjistrazions scjadût. ETPI al dopre i dâts contignûts tai documents pes regjistrazions par finalitâts statistichis.

Il pescjadôr, ogni volte che al va fûr al à di puartâ cun se e di esibî, in câs di control:

• un document di identitât valit;
• la ricevude dal paiament dal canul infranuâl, ancje su App;
• il document infranuâl pes regjistrazions, ancje su App.

Par ogni altre informazion su la pratiche de pescje sportive, fâ riferiment a ce che al è ripuartât sul calendari de pescje sportive, CPS.

Se o sês interessâts a otignî la licence F-VJ, cjalait cheste pagjine.

INFO Ufici licencis ETPI - tel. (+39) 0432 551 222 / (+39) 0432 551 205

        email: licenze@etpi.fvg.it