Pagjine dedicade aes informazions sui canui pe pratiche de pescje sportive.
Par altris informazions o par sclariments:
INFO Ufici licencis ETPI - tel. (+39) 0432.551.222/205, email: licenze@etpi.fvg.it
Il canul anuâl al è risiervât ai titulârs di une licence di pescje sportive valide dade fûr in Friûl - Vignesie Julie o intune altre regjon de Republiche Taliane dopo vê passât un esam o frecuentât un cors, e al permet di praticâ la pescje sportive par 16 dîs al mês, intal ambit di ducj i regjims di pescje fin ai 31 di Dicembar dal an di riferiment.
L'impuart dal canul anuâl al è di € 60,00 par cui che al à almancul 18 agns al prin di Zenâr, € 15,00 par cui che al à tra i 14 e 17 agns. Si pues paiâ il canul cu la APPesca.FVG o pûr cul modul prestampât dai Uficis Licencis o dai Recapits informatizâts.
Il canul infranuâl lu puedin paiâ ducj, residents o no residents in regjon, cun o cence licence di pescje sportive, e al permet di lâ a pescje par une zornade; si pues paiâlu al massim par 12 voltis ad an, ancje no consecutivis, ma almancul 4 a àn di jessi dedicadis dome ae pratiche no-kill.
Si pues paiâ il canul cu la APPesca.FVG, o pûr cul modul prestampât dai Uficis licencis o dai Recapits informatizâts.
Tipologjie di canul |
Pescjadôrs maiôrs di etât |
Pescjadôrs tra i 14 e 17 agns |
Notis |
Anuâl: |
€ 60,00 |
€ 15,00 |
|
Infranuâl: |
20,00 € |
20,00 € |
Par cualsisei regjim di pescje fûr che il regjim no-kill |
Infranuâl ridot |
16,00 € |
16,00 € |
|
La gnove aplicazion che e permet il paiament dai canui e la gjestion de ativitât.
APPesca.FVG e pues jessi doprade cun facilitât cul propri telefon par une o par dutis chestis funzions:
APPesca.FVG e permet duncje di fâ dutis lis operazions che a coventin par metisi in regule cui documents di pescje in maniere dal dut autonome, cence vê di lâ li di un Recapit o intun Ufici licencis dal Ent pe tutele dal patrimoni itic (ETPI).
In ogni câs, a son a disposizion i documents di cjarte par chei che no sielzin di doprâ la aplicazion.