Pescjâ cun licence F-VJ

 

 

 

 

 

Pagjine dedicade aes informazions sui canui pe pratiche de pescje sportive.

Par altris informazions o par sclariments:

INFO Ufici licencis ETPI - tel. (+39) 0432.551.222/205, email:  licenze@etpi.fvg.it

• Canul anuâl
• Canul infranuâl
• Impuarts dal canul
• Aplicazion APPesca.FVG

Canul anuâl

Il canul anuâl al è risiervât ai titulârs di une licence di pescje sportive valide dade fûr in Friûl - Vignesie Julie o intune altre regjon de Republiche Taliane dopo vê passât un esam o frecuentât un cors, e al permet di praticâ la pescje sportive par 16 dîs al mês, intal ambit di ducj i regjims di pescje fin ai 31 di Dicembar dal an di riferiment.

L'impuart dal canul anuâl al è di € 60,00 par cui che al à almancul 18 agns al prin di Zenâr, € 15,00 par cui che al à tra i 14 e 17 agns. Si pues paiâ il canul cu la APPesca.FVG o pûr cul modul prestampât dai Uficis Licencis o dai Recapits informatizâts.

torna su

Canul infranuâl

Il canul infranuâl lu puedin paiâ ducj, residents o no residents in regjon, cun o cence licence di pescje sportive, e al permet di lâ a pescje par une zornade; si pues paiâlu al massim par 12 voltis ad an, ancje no consecutivis, ma almancul 4 a àn di jessi dedicadis dome ae pratiche no-kill.

Si pues paiâ il canul cu la APPesca.FVG, o pûr cul modul prestampât dai Uficis licencis o dai Recapits informatizâts.

 

torna su

Impuarts dal canul

Tipologjie di canul	Pescjadôrs maiôrs di etât	Pescjadôrs tra i 14 e 17 agns	Notis
Anuâl:	€ 60,00	€ 15,00	Titulârs di une licence di pescje sportive valide dade fûr in F-VJ Titulârs di une licence di pescje sportive valide, denominade in cualsisei maniere, dade fûr intune altre regjon de Republiche Taliane dopo vê passât un esam o frecuentât un cors.
Infranuâl:	20,00 €	20,00 €	Par cualsisei regjim di pescje fûr che il regjim no-kill
Infranuâl ridot	16,00 €	16,00 €	Titulârs di une licence di pescje sportive valide dade fûr in F-VJ Titulârs di une licence di pescje sportive valide, denominade in cualsisei maniere, dade fûr intune altre regjon de Republiche Taliane dopo vê passât un esam o frecuentât un cors. Pescje in regjim no-kill

torna su

Aplicazion APPesca.FVG

La gnove aplicazion che e permet il paiament dai canui e la gjestion de ativitât.

APPesca.FVG e pues jessi doprade cun facilitât cul propri telefon par une o par dutis chestis funzions:

1. paiâ il canul anuâl o infranuâl;
   
   
2. consultâ il calendari de pescje sportive, la regolamentazion in vore, e ancje la cartografie cui lûcs di interès;
   
   
3. notâ lis jessudis e lis caturis in sostituzion dal tessarin di cjarte.
   
   
   

APPesca.FVG e permet duncje di fâ dutis lis operazions che a coventin par metisi in regule cui documents di pescje in maniere dal dut autonome, cence vê di lâ li di un Recapit o intun Ufici licencis dal Ent pe tutele dal patrimoni itic (ETPI).

In ogni câs, a son a disposizion i documents di cjarte par chei che no sielzin di doprâ la aplicazion.

torna su